Бульбяны Эль. Першае зваранае ў Беларусі крафтавае бульбяное піва з беларускімі чыпсамі-пласцінкамі з Мар'інай Горкі, цыбулькай і кропчыкам.
На дзіва пры цяперашняй культавасці бульбы ў Беларусі з бульбяным півам у нас неяк зусім сумна, калі не сказаць, што ніяк. Таму пастараліся кампенсаваць гэты вакуум, зварыўшы піва з самімі натуральнымі беларускімі бульбянымі чыпсамі-пласцінкамі без дабавак і паляпшальнікаў, вырабленымі ў Мар'інай Горцы. Дзе дарэчы прыдумалі і вырабілі ў сярэдзіне 80-х мінулага стагоддзя самыя першыя беларускія чыпсы. Паколькі масавае распаўсюджванне і прыхільнасць да бульбы ў Беларусі ўзнікла вельмі нядаўна, у народным этнасе не захаваліся бульбяныя багі і легендарныя героі. У адрозненне ад Паўднёвай Амерыкі, адкуль уласна і прыбыла ў Еўропу бульбачка. Напрыклад, бог сонца Віракоча вывеў "боскі клубень" і навучыў заснавальнікаў імперыі інкаў вырошчваць бульбу.
Бронзавы, злёгку замутнены колер. Шчыльная, устойлівая крэмавая пена.
Саладкавата-рэзкі водар бульбачкі, смажанай з цыбулькай і запраўленай кропчыкам,
У гусце соладава-чыпсавая слодыч з адценнямі смажанай цыбулі і кропу, далікатная хмелевая гарчынка і мяккае саладкавата-даўкае пасмакоўе.
