Чорная Борць

Падвойны малочны стаут з мёдам 2-месячнай вытрымкі. Шчыльнасьць 28,0% У старадаўнія часы нашы продкі разводзілі пчол у дрымучых лясах у асабліва выдзеўбаных дуплах, якія называліся борцямі. Каб мядзведзі, якіх у той час было хоць гаць гаці, не замахваліся паспытаць мёд, борці багата вышмароўвалі дзёгцем, з-за чаго яны набывалі чорны колер. Дзікія лясныя пчолы ў тыя часы моцна адрозніваліся ад сучасных - яны былі значна больш па памеры, вельмі цёмнага, амаль чорнага колеру. Як няцяжка здагадацца, мёд у іх быў таксама чорнага колеру. Вось і атрымлівалася, што ў чорным лесе ў чорнай борці чорныя пчолы рабілі чорны мёд. Колер чорнага аксаміту. Шчыльная, устойлівая кавава-сметанкавая пена. У густым салодкім водары кавава-шакаладны лікёр, какос, кэраб, ваніль, мядовыя і сметанковыя ноты. У насычаным гусце шакаладны пламбір, чорны мёд з чорных пчол у сотах, кававае зерне, інжыр, фінікавы лікёр, далікатная гаркаватасць чорнага шакаладу ў мяккім фінішы і доўгая масляніста-дэсертная пасмакоўе.